Eph 6 | AAK | STEP | Niaíwí̵yí̵ne', Ámɨnáo tí̵nɨ nawínɨ ikárɨnɨgí̵áyí̵ne' segí̵ ápowamɨ tí̵nɨ inókíwamɨ tí̵nɨ xɨxenɨ maŋí̵ arí̵á wíí̵rɨxɨnɨ. E nerónáyí̵, ayí̵ xɨxenɨ imónɨŋí̵pɨ yarɨŋagí̵a nánɨ rarɨŋɨnɨ.

Ephesians 6

Niaíwí̵yo urɨŋí̵pɨ nánɨrɨnɨ.

1 Niaíwí̵yí̵ne', Ámɨnáo tí̵nɨ nawínɨ ikárɨnɨgí̵áyí̵ne' segí̵ ápowamɨ tí̵nɨ inókíwamɨ tí̵nɨ xɨxenɨ maŋí̵ arí̵á wíí̵rɨxɨnɨ. E nerónáyí̵, ayí̵ xɨxenɨ imónɨŋí̵pɨ yarɨŋagí̵a nánɨ rarɨŋɨnɨ. 2 Ŋwí̵ ikaxí̵ we' wu'kau' Gorɨxo nɨra nurí̵ná re rɨŋí̵yí̵ “Seyí̵ne' xɨxenɨ nɨxí̵dɨrí̵náyí̵, naŋí̵pɨ seaímeaní̵árɨnɨ.” rɨŋí̵yí̵ xámɨ rɨŋí̵pɨ, ayí̵ rɨpɨrɨnɨ, “Segí̵ ápowamɨ tí̵nɨ inókíwámɨ tí̵nɨ we' íkwiaŋwí̵yo ŋwɨrárí̵í̵rɨxɨnɨ. 3 Xwí̵á tí̵yo ŋweaŋáná naŋí̵ imónɨŋí̵pɨ seaímearɨ xwiogwí̵ obaxí̵ seamu'rorɨ ení̵a nánɨ ayo we' íkwiaŋwí̵yo ŋwɨrárí̵í̵rɨxɨnɨ.” rɨŋí̵pɨ apɨrɨnɨ.

Xanowamɨ urɨŋí̵pɨ nánɨrɨnɨ.

4 Xanoyí̵ne', niaíwí̵yí̵ wikí̵ ónɨpaxí̵ imónɨpí̵rɨ nánɨ uyí̵nií̵ mɨme' Ámɨná Jisasomɨ xí̵darɨgí̵áyí̵ epaxí̵ imónɨŋí̵pɨ wiepɨsirɨ xí̵o rɨŋí̵pɨ ure'wapɨyirɨ e'í̵rɨxɨnɨ.

Xɨnáíwánɨŋí̵ nimónɨro omɨŋí̵ wiiarɨgí̵áyo urɨŋí̵ nánɨrɨnɨ.

5 Xɨnáíwayí̵ne'nɨŋí̵ nimónɨro omɨŋí̵ wiiarɨgí̵áyí̵ne', segí̵ bosí̵ xwí̵á tí̵yo ŋweagí̵áwamɨ wáyí̵ wiro eŋí̵ sɨrɨrɨŋwí̵ wiro nero arí̵á yí̵mɨgí̵ wíí̵rɨxɨnɨ. Kiraiso rɨŋí̵pɨ arí̵á nɨwiro xí̵darɨgí̵ápa bosowamɨ yapí̵ mɨwíwapɨyí píránɨŋí̵ yómɨŋí̵ nimónɨro sekaxí̵ seararɨgí̵ápɨ tí̵nɨ xɨxenɨ e'í̵rɨxɨnɨ. 6 Wí bosowa weyí̵ oneame'poyɨnɨrɨ wigí̵ sɨŋwí̵ anɨgí̵e dánɨnɨ nepánɨŋí̵ nimónɨro yarɨgí̵ápa me' seyí̵ne' Kiraisoyá xɨnáíwayí̵ne'nɨŋí̵ nimónɨro omɨŋí̵ wiiarɨgí̵áyí̵ne' eŋagɨ nánɨ Gorɨxo “E e'í̵rɨxɨnɨ.” wimónarɨŋí̵pɨ nero ayá tí̵nɨ segí̵ bosowamɨ arí̵á wíí̵rɨxɨnɨ. 7 Xɨnáíwánɨŋí̵ nimónɨro omɨŋí̵ wiiarɨgí̵áyí̵ranɨ, omɨŋí̵ wiipí̵rɨ nánɨ áxeŋwarí̵ minɨgí̵áyí̵ranɨ, ní̵nɨyí̵ pí pí naŋí̵ yarɨgí̵ápɨ nánɨ Ámɨnáo pɨrí̵ numamorí̵ná wigí̵ yarɨgí̵ápɨ tí̵nɨ xɨxenɨ wiiní̵á eŋagɨ nánɨ seyí̵ne' nɨjí̵árɨnɨ. Ayɨnánɨ segí̵ bosowamɨ seararɨgí̵ápɨ neróná “Ámá wí nánɨnɨ mɨyarɨŋwɨnɨ. Negí̵ Ámɨná Gorɨxo nánɨ enɨ yarɨŋwɨnɨ.” nɨyaiwiro yayí̵ tí̵nɨ e'í̵rɨxɨnɨ.

Bosowamɨ urɨŋí̵pɨ nánɨrɨnɨ.

9 Wigí̵ Bosoyí̵ne' enɨ omɨŋí̵ seaiiarɨgí̵áwa yómɨŋí̵ nimónɨro seaíí̵ápa axí̵pɨ e nero píránɨŋí̵ ume'í̵rɨxɨnɨ. Bosí̵ seyí̵ne' seamiearɨ ayo umiearɨ eŋo aŋí̵namɨ ŋweaŋorɨnɨ. Wí sí̵mí̵ sí̵mí̵ e nɨmerɨ yarɨgí̵áyí̵nɨŋí̵ mimónɨŋorɨnɨ. O e imónɨŋo eŋagɨ nánɨ seyí̵ne' nɨjí̵á imónɨŋoɨ. Ayɨnánɨ segí̵ omɨŋí̵ seaiiarɨgí̵áwamɨ e'í̵ uremoarɨgí̵ápɨ pí̵nɨ wiárí̵í̵rɨxɨnɨ.

“Mɨxí̵ nánɨ ikí̵ní̵í̵rɨxɨnɨrɨ neaiapɨŋí̵pɨ ikí̵ní̵í̵rɨxɨnɨ.” urɨŋí̵ nánɨrɨnɨ.

10 Yoparí̵ osearɨmɨnɨrɨ imónɨŋí̵pɨ rɨpɨrɨnɨ. Seyí̵ne' Ámɨnáo tí̵nɨ ikárɨnɨgí̵á eŋagɨ nánɨ eŋí̵ sɨxí̵ íní̵í̵rɨxɨnɨ. “Eŋí̵ sɨxí̵ o xegí̵ ínɨŋí̵pimɨ dánɨ eŋí̵ sɨxí̵ íní̵í̵rɨxɨnɨ.” seararɨŋɨnɨ. 11 Seyí̵ne' obo xegí̵ ináyí̵nɨŋí̵ nimónɨrɨŋí̵pimɨ dánɨ yapí̵ seaiepɨsimɨnɨrɨ yarí̵ná xaíwí̵ nimónɨro xɨxe mɨxí̵ wipaxí̵ imónɨpí̵rí̵a nánɨ Gorɨxo apɨ tí̵nɨ nikí̵nɨmáná mɨxí̵ owípoyɨnɨrɨ neaiapɨŋí̵pɨ nɨpɨnɨ nikí̵nɨrɨ e'í̵rɨxɨnɨ. 12 Aga ámá tí̵nɨ mɨxí̵ inarɨŋwá eŋagɨ nánɨ mɨseararɨŋɨnɨ. Pí pí kwíyí̵ rí̵á kɨroarɨŋí̵ aŋí̵ pɨrí̵yo yarɨŋí̵pɨ —Apɨ wí wíyo seáyɨ e nɨwimónɨrɨ umearɨŋí̵pɨrɨnɨ. Wí ne'ní̵ tí̵ŋí̵ imónɨŋí̵pɨrɨnɨ. Wí aŋí̵na tí̵nɨ xwí̵árí tí̵nɨ ɨkwí̵rónɨŋí̵mɨ nɨmɨnɨ sí̵á yinɨŋí̵mɨnɨ ŋweaarɨgí̵áyo umeŋwearɨŋí̵pɨrɨnɨ. Apɨ nɨpɨnɨ tí̵nɨ nene mɨxí̵ inarɨŋwá eŋagɨ nánɨ rarɨŋɨnɨ. 13 Ayɨnánɨ sí̵á mɨxí̵ xwɨraimɨmí̵ owikáraneyɨnɨro seaipí̵rí̵á gɨyí̵ gɨyi imónáná e'í̵ nɨwɨnɨmɨ mu' xopɨrárí̵ nɨwie'ra nu'í̵asáná sɨnɨ eŋí̵ neánɨrɨ awí ropí̵rí̵a nánɨ amɨpí Gorɨxo mɨxí̵ nánɨ ikí̵ní̵í̵rɨxɨnɨrɨ neaiapɨŋí̵pɨ nɨpɨnɨ ikí̵ní̵í̵rɨxɨnɨ. 14 Ayɨnánɨ rɨpɨ rɨpɨ ne'í̵asáná eŋí̵ sɨxí̵ nínɨrɨ xaíwí̵ e'í̵ róí̵rɨxɨnɨ. Xwɨyí̵á nepánɨ imónɨŋí̵pɨ arerɨxí̵nɨŋí̵ yíní̵í̵rɨxɨnɨ. Sɨwí̵ we' rónɨŋí̵ imónɨŋí̵pɨ sorí̵á mɨxí̵ nánɨ e'í̵ noyí̵kínɨní̵a nánɨ yínɨgí̵ápí̵nɨŋí̵ yíní̵í̵rɨxɨnɨ. 15 Xwɨyí̵á yayí̵ neainarɨŋí̵pɨ —Apɨ Kiraiso ámae'ne neaiiŋí̵pimɨ dánɨ ámá xí̵o tí̵nɨ anɨ imónɨpaxí̵pɨrɨnɨ. Xwɨyí̵á yayí̵ neainarɨŋí̵ apɨ wáí̵ urɨmeanɨro imónɨpí̵rɨ nánɨ ámá mɨxí̵ inanɨro nánɨ sɨkwí̵ su' yínarɨgí̵ápa yíní̵í̵rɨxɨnɨ. 16 Apɨ nɨpɨnɨ nɨyínɨmáná dɨŋí̵ seyí̵ne' Kiraisomɨ wɨkwí̵roarɨgí̵ápɨ ámá nikí̵nɨŋí̵ imanarɨgí̵ápánɨŋí̵ nimanɨmɨ u'í̵rɨxɨnɨ. Nikí̵nɨŋí̵ ana tí̵nɨ nimanɨmáná e'í̵ obo rí̵á onɨnɨrɨ rí̵á nɨyiŋímáná ónapí̵í̵pɨ nɨpɨnɨ supɨkipaxí̵ eŋagɨ nánɨ seararɨŋɨnɨ. 17 Yeáyí̵ Gorɨxo seayimɨxemeaŋí̵pɨ ámá mɨxí̵ mɨŋí̵ mɨneaoxoapa oe'poyɨnɨrɨ arɨxí̵ dí̵kínarɨgí̵ápa dí̵kíní̵í̵rɨxɨnɨ. Xwɨyí̵á Gorɨxoyápɨ, xí̵oyá kwíyí̵pimɨ dánɨ seaíwapɨyarɨŋí̵pɨ kirá mɨxí̵ nánɨ xɨrarɨgí̵ápánɨŋí̵ xɨrí̵í̵rɨxɨnɨ. E ne'í̵asáná eŋí̵ sɨxí̵ nínɨrɨ xaíwí̵ e'í̵ róí̵rɨxɨnɨ.

18 Apɨ apɨ nerí̵ná anɨpá e'í̵rɨxɨnɨrɨ mɨseararɨŋɨnɨ. “Gorɨxo arɨrá neaíwɨnɨgɨnɨrɨ íníná kwíyí̵pimɨ dánɨ rɨxɨŋí̵ urɨro yarɨŋí̵ wiro e'í̵rɨxɨnɨ.” seararɨŋɨnɨ. Ayɨnánɨ seyí̵ne' maiwí bɨ me' sɨŋwí̵ sɨŋwí̵ tí̵nɨ nero pí pí seaímeáí̵pɨ xwámámí̵ nɨwiro ámá Gorɨxoyá imónɨŋí̵ ní̵nɨ nánɨ rɨxɨŋí̵ wurɨyíí̵rɨxɨnɨ. 19 Nionɨ xwɨyí̵á yayí̵ neainarɨŋí̵ yumí̵í imónɨŋí̵pɨ nánɨ masɨsí̵á mɨniní̵ áwaŋí̵ urɨmɨnɨrɨ maŋí̵ yámoarí̵ná Gorɨxo ananɨ woákí̵kí̵ wipaxonɨ nimɨxɨní̵a nánɨ enɨ rɨxɨŋí̵ nurɨyíí̵rɨxɨnɨ. 20 Xwɨyí̵á apɨ yaŋí̵ wurɨmeiarɨŋáonɨ eŋagɨ nánɨ gwí̵ ŋweaŋɨnɨ. “Nionɨ ayá igigí̵ me' e rí̵ɨmɨgɨnɨrɨ imónɨŋápɨ tí̵nɨ xɨxenɨ urɨmí̵a nánɨ rɨxɨŋí̵ nurɨyíí̵rɨxɨnɨ.” seararɨŋɨnɨ.

Tikikaso nánɨ urɨŋí̵ nánɨrɨnɨ.

21 Tikikaso —O negí̵ nɨrɨxí̵meá dɨŋí̵ sɨxí̵ uyiŋwáorɨnɨ. Ámɨnáo nánɨ wáí̵ nurɨrane'ná dɨŋí̵ uŋwɨrárɨpaxí̵ yarɨŋorɨnɨ. O nɨseaímearí̵ná seyí̵ne' nionɨ pí pí nerɨ ŋweaŋápɨ nánɨ nɨjí̵á imónɨpí̵rɨ nánɨ nɨpɨnɨ nánɨ áwaŋí̵ searɨnɨŋoɨ. 22 Ayí̵ rɨpɨ nánɨ urowáre'naparɨŋɨnɨ. O nɨseaímearɨ áwaŋí̵ searáná seyí̵ne' “Porowa e nimónɨro rí̵a ŋweaŋoɨ?” yaiwiro dɨŋí̵ wí̵á seaónɨrɨ epí̵rí̵a nánɨ urowáre'naparɨŋɨnɨ.

23 Gí̵ nɨrɨxí̵meánɨŋí̵ imónɨgí̵áyí̵ne', seyí̵ne' nɨwayɨrónɨro ŋwearo segí̵ dɨŋí̵ nɨwɨkwí̵rorɨŋí̵pimɨ dánɨ xɨxe dɨŋí̵ sɨpí inɨro epí̵rí̵a nánɨ ápo Gorɨxo tí̵nɨ Ámɨná Jisasɨ Kiraiso tí̵nɨ awau' dɨŋí̵ seakɨkayóisixɨnɨ. 24 Ámá negí̵ Ámɨná Jisasɨ Kiraisomɨ dɨŋí̵ sɨxí̵ nuyirí̵ná ámɨ dɨŋí̵ peá nɨmorɨ pí̵nɨ mɨwiárarɨgí̵áyo nɨyonɨ Gorɨxo wá wianí̵wɨnɨgɨnɨ.